Home > Chairman's message
د لېوال هټۍد مشر اختر مبارکۍ پيغام
د لېوال هټۍد مشر اختر مبارکۍ پيغام    پښتو
Copy Link Copied
د اختر خوشالي دې ټولو هېوادوالو او مسلمانانو ته مبارکه وي. دغه څو ورځې د اختر خوشالۍ اوږدولو لپاره که د نويو تخنيکونو پرمټ هلېځلې وکړو, نو دا خوشالي غځېداى او تلپاتې کېداى شي. دې اختر کې غواړم بنسټيزه ستونزه او د هغې حل پموخه مو داسې هڅو ته راوبولم چې هرڅوک يې له هرځاى څخه کولاى شي.

لومړى، ستونزه څه ده؟
زموږ هېواد افغانستان او د نړۍ ډېرو هېوادو کې بېوزلي چې ټولنيزې ناخوالې يې لامل دي، ډېر خلک ځوروي. دغو ستونزو زموږ ډېرى هېوادوال اړ کړي چې ښارونو يا پنډغالو کې مېشت شي. خوراک، کرنې، اوبخور، ځنګلونو او نورو اړوند چارو ته لږ پاملرنې له امله سخت ژوند او ناهوسا چاپېريال رامنځته کېږي. موږ له سمندر څخه ډېر ليرې يو، د سمندر تبخيرونه چې باران کېږي تر موږ رارسېدل هله کېږي چې څه ناڅه زموږ چاپېريال يې راکشون کې همکار وي. ددغه راکشون لپاره کرنه او اوبخور ډېر اړين دي ترڅو ځايي تبخيرونه ډېر او د هوا خوځښت سره اورښت رامنځته چې سيميزو اورښتونو ته تړاو ورکړي نو د وچکالي غميزه به پاى ومومي.

پورتنۍ ستونزه څنګه حل کولاى شو؟ زېرى درکوو چې لېوال هټۍ کرنې، ښاريکرنې، ځنګلونو او مالدارۍ غوندې حياتي چارو کې اندونو، اسانتياوو، پيداوارو، ماشين الاتو په اړه مالومات خپرول، شريکول، خرڅول او رسول خپل لومړيتوب ټاکلى. نور به اړ نه ياست چې اوږد واټن ووهئ، شپې او ورځې توکو او اسانتياوو ترلاسه کولو پسې ولاړ شئ، بلکې د انټرنټ، لېوال هټۍ او ځيرک ټيلپون پرمټ نړيواله پوهه، مرسته، مشوره، کاروبار اونوښتتونه ستاسې ورغوي ته درځي. خو دا هله کېداى شي چې تاسې د لېوال هټۍ برخه کېدو سره چې د خوراک، کرنې، ښاريکرنې، اوبخور او مالدراۍ د پرمختګ لپاره څه لرئ يا څه غواړئ هغه هټۍ کې خپاره کړئ چې له دې لارې يې ټولو ته ورسوو. لېوال هټۍ ډېرو برخو کې د کورنيو او نړيوالو پرمختګونو ترلاسي کې ستاسې مرسته کوي او ستاسې پرمختګونه نړيوالو ته رسوي.

لېوال هټۍ اسانتاوې برابروي چې کاروباري خوځښت سره کار پيدا شي، خوراک ډېر شي، وچکالي ورکه شي او بېوزلي لمنځه ولاړه شي.
هيله ده همدا نن لېوال هټۍ کې حساب پرانيزئ.

يوځل بيا اختر مبارک

نور رحمان لېوال
#لېوال_هټۍ مشر #ملي_مړښت، #نرلېوال