د اوبکرنې له لارې څارويو ته له غلودانو د سمنک په ډول واښه کرل د لېوال واښګر په مرسته د څارويو لپاره اړين خوراک په ٧ ورځو کې برابروي چې اسانه، اقتصادي او څارويو لپاره ډېر گټور دى. بشپړ لاسي واښګر برني لوښي کې اوبه اچوئ چې ورو ورو ښکته راځيپه دغه ډول لاندې دانو لپاره اوبخور جوړېږي. لوړوالى ١٣٠سانتي متره، پلنوالى ٦٥سانتي او ژوروالى ٦٥سانتي متره، وزن ١٥-٢٠کيلو په واښګر کې واښه د څړځاي په ډول زرغونيږي او وده کوي. څاروي دا تازه تېغنى وهلي واښه د وچو وښو او غلودانو په پرتله په ښه ډول خوري او هضموي چې د غوښې او شيدو ورکوونکو څارويو او مرغانو لپاره غوره دي. اوبکرنې واښه ٥٠ سلنه د وښو اړتيا کموي. راوړل، ساتل او خوسا کيدل هم نه لري. باجره، اوربشې، غنم، لمرګل، شوتله، ريشکه او داسې نور تخمونه د واښګر لپاره غوره دي.